Болашақ мамандарды сапалы даярлау мақсатында 2023 жылғы 12 қыркүйекте «Жол қозғалысын ұйымдастыру» мамандығының Солтүстік Қазақстан кәсіптік-педагогикалық колледжінің студенттері үшін облыс ІІД жедел басқару орталығына (ЖБО) көрме экскурсиясы ұйымдастырылды. Экскурсия барысында студенттер полиция қызметкерлерінің қоғамдық тәртіпті қорғауды қамтамасыз ету жөніндегі қызметін көрнекі түрде көрді, бақылау бейнекамераларының көмегімен қылмыстардың «ыстық ізбен» қалай ашылатынын білді. Бұл экскурсияның мақсаты-орталықтың жұмысымен таныстыру, облыс орталығындағы құқық бұзушылықты ашу, жасөспірімдер қылмысының алдын алу, сондай-ақ кәмелетке толмағандар мен құқық қорғау органдарының өкілдері арасында сенімді қарым-қатынас орнату. Сонымен қатар, кәмелетке толмағандардың істері жөніндегі инспекторлар оқудан жалтарған балаларды, жасөспірімдер мен көше балаларын анықтау бойынша жұмысты белгіледі. Ойын-сауық мекемелері бойынша күшейтілген рейдтер жүргізілетін болады. Экскурсияны қорытындылай келе, Петропавл қаласының ЖБО қызметкерлері оқуда шығармашылық табыс тіледі. Өз кезегінде студенттер шын жүректен алғыс айтып, экскурсия танымдық болғанын атап өтті. Студенттер өткізілген экскурсиядан көптеген әсер алды.
